លោក Pep Guardiola អ្នកចាត់ការក្រុម Manchester City បានបញ្ជាក់ថាលោកចង់ឱ្យខ្សែប្រយុទ្ធ Lionel Messi បន្ដលេងនៅ Barcelona ហើយចូលនិវត្តន៍នៅក្លឹបនោះតែម្ដង។
Messi ក្រោយពីមានបញ្ហាពាក្យសម្ដីជាមួយលោក Abidal ប្រធានបច្ចេកទេសនៅក្លឹប Barcelona មក ពេលនេះមានដំណឹងជាច្រើនពីការចាកចេញរបស់គេ។ ក្នុងនោះ ការផ្លាស់ទៅលេងនៅក្លឹប Man City ក្រោមការដឹកនាំរបស់លោក Pep គឺច្រើនជាងគេ ព្រោះបុរស២នាក់នេះធ្លាប់ធ្វើការជាមួយគ្នាជោគជ័យខ្លាំងម្ដងមកហើយ។
យ៉ាងណាមិញ សាមីខ្លួន Pep បានចេញមុខមកនិយាយដូច្នេះថា៖ “គាត់នឹងនៅ barcelona ហើយបញ្ចប់អាជីពរបស់គាត់នៅទីនោះ។ វាជាអ្វីដែលខ្ញុំចង់ឃើញ។ ខ្ញុំមិនចង់និយាយច្រើនពីកីឡាករនៅក្លឹបដទៃនោះទេ”។ ការបញ្ជាក់បែបនេះរបស់លោក Pep បានបញ្ជាក់ច្បាស់ថាលោកមិនចង់បាន Messi មកក្លឹប Man City ឡើយ ព្រោះលោកចង់ឃើញកីឡាករអាហ្សង់ទីននេះលេងនៅក្រុមអ្នកមានបុណ្យជារៀងរហូត៕ប្រភព៖ Dailymail