ក្រុមកីឡាករ Liverpool ត្រូវបានគេដឹងថានឹងទទួលបានប្រាក់រង្វាន់បន្ថែម Bonus ដល់ទៅ៤លានផោន ប្រសិនបើពួកគេអាចលើកពានរង្វាន់ English Premier League បាន។
ក្រុម Liverpool ដាច់ពិន្ទុក្រុមលេខ២ ដល់ទៅ២២ពិន្ទុទៅហើយ ដូច្នេះការឈ្នះពានរង្វាន់ Premier League របស់ពួកគេហាក់ដូចជាមើលឃើញច្បាស់រួចជាស្រេច។ អ្វីដែលក្រុមនេះបន្ដត្រូវធ្វើនោះគឺត្រូវឈ្នះការប្រកួតដែលនៅសល់ទាំងអស់ ដើម្បីបង្កើតប្រវត្តិសាស្ត្រដោយឈ្នះពានមាសតែម្ដង។
អ្វីដែលគួរឱ្យឆាប់អារម្មណ៍ថែមទៀតនោះ ប្រភពនៅអង់គ្លេសបានបញ្ជាក់ថាក្រុមកីឡាករហង្សក្រហម នឹងទទួលបានប្រាក់បន្ថែមដល់ទៅ៤លានផោន ប្រសិនបើពួកគេអាចលើកពានបាន។ ចំនួនប្រាក់ នឹងគិតតាមអ្វីដែលក្រុមធ្វើបានល្អបំផុត ព្រោះនេះជាឆ្នាំដំបូងក្រោយរយៈពេល៣០ឆ្នាំដែលក្រុម Liverpool ខកខានលើកពានរង្វាន់លីគកំពូលអង់គ្លេស៕ប្រភព៖ Dailymail