លោក Zidane អ្នកចាត់ការក្រុម Real Madrid បាននិយាយថាលោកអបអរដល់ក្រុម Real Sociedad ដែលបានយកឈ្នះលើក្រុមខ្លួន នឹងឡើងទៅវគ្គបន្ដបាន។
កាលពីយប់មិញនេះ ក្រុម Real Madrid បានបរាជ័យក្រោមថ្វីជើងក្រុម Real Sociedad ក្នុងលទ្ធផល ៤-៣ ក្នុងពានរង្វាន់ Copa del Rey វគ្គ៨ក្រុមចុងក្រោយ។ បរាជ័យនេះ បានធ្វើឱ្យលោក Zidane មិនសប្បាយចិត្តទេ ប៉ុន្តែលោកក៏មិនបន្ទោសកូនដែរ។ ផ្ទុយទៅវិញ លោកអបអរដល់ក្រុម Sociedad ដែលលេងបានយ៉ាងល្អសម្រាប់ការប្រកួតនៅយប់មិញនេះ។
មិនត្រឹមតែ Real Madrid នេះទេ ក្នុងការប្រកួតពានរង្វាន់ Copa del Rey នៅយប់មិញនេះ ក្រុម Barcelona ក៏បានបរាជ័យក្រោមថ្វីជើងក្រុម Bilbao ផងដែរក្នុងលទ្ធផល ១-០។ ដូច្នេះនៅឆ្នាំនេះ ពានរង្វាន់ Cup ខាងលើនេះ ក្រុមដែលខ្លាំងៗនៅអេស្ប៉ាញបានធ្លាក់ចេញអស់ហើយ៕ប្រភព៖ Dailymail
