• Beckham ទម្លាយ​ខ្ទេច​រឿងរ៉ាវ​ផ្លាស់​ពី Man Utd ទៅ R.Madrid កាល​ពី​ឆ្នាំ ២០០៣

    David Beckham បាន​ទម្លាយ​នូវ​រឿងរ៉ាវ​ចាស់​អំឡុង​ពេល​ផ្លាស់​ចេញ​ពី Manchester United ទៅ​កាន់​ទ្រនំ​ក្លឹប Real Madrid នៅ​ឆ្នាំ ២០០៣ ដោយ​កាល​នោះ​មាន​រឿងរ៉ាវ​មួយ​ចំនួន​ដែល​អ្នក​រាល់​គ្នា​មិន​បាន​ដឹង។

    ជជែក​ប្រាប់ BBC Radio លោក​និយាយ​ថា៖ “ខ្ញុំ​លឺ​ចចាមអារ៉ាម​ខ្លះ​ថា​ខ្ញុំ​ត្រូវ​បាន​លក់​ចេញ ហើយ​គាប់​ជួន​កំពុង​ស្ថិត​ក្នុង​ពេល​លំហែកាយ ស្រាប់​តែ​មិត្តភក្តិ​ខ្ញុំ​គេ​តេ​មក​ប្រាប់​ថា Sky Sports បាន​ចុះ​ផ្សាយ​ថា United ព្រមព្រៀង​លក្ខខណ្ឌ​ជាមួយ Barcelona លើ​ការ​លក់​ខ្ញុំ​ចេញ​ហើយ ពេល​នោះ​ខ្ញុំ​ប្រាប់​ទៅ​គេ​ភ្លាម​ថា​វា​មិន​ត្រឹមត្រូវ​ទេ”។

    ត្រលប់​មក​ក្លឹប​ Man Utd ពី​ការ​សម្រាក​វិញ លោក​សង្កត់​ធ្ងន់​ទៀត​ថា៖ “ខ្ញុំ​ក៏​បាន​ហោះ​មក​ទីក្រុង​ឡុង​វិញ ហើយ​ព្យាយាម​និយាយ​ជាមួយ Peter Kenyon និង​អ្នកចាត់ការ ថា​ខ្ញុំ​បាន​និយាយ​ជាមួយ​ភ្នាក់ងារ​ខ្ញុំ​ហើយ បើ​ខ្ញុំ​ចេញ គឺ​មាន​តែ​ទៅ Madrid មួយ​ទេ លុះ​ប៉ុន្មាន​ថ្ងៃ​ក្រោយ​មក​ខ្ញុំ​អង្គុយ​ជាមួយ​លោក Florentino Perez ហើយ​យើង​ក៏​បាន​ព្រមព្រៀង​កិច្ច​ចរចា​មួយ​ទៅ”។

    គួរ​បញ្ជាក់​ថា Beckham បាន​រួមរស់​ជាមួយ​ស្តេច​ស​អស់​រយៈ​ពេល ៤ ឆ្នាំ ដោយ​រក​បាន ១៣ គ្រាប់ (គ្រាប់​ក្នុង​លីគ) តែ​នៅ​រាប់​ចូល​នាម​ជា​ខ្សែ​បម្រើ​ដ៏​ល្អ​មួយ​រូប​ផង​ដែរ៕

    ប្រភព៖ AF

    ភ្ជាប់ទំនាក់ទំនងជាមួយ CTS SPORT