Kawin Thamsatchanan អ្នកចាំទីជម្រើសជាតិថៃ បានសម្រេចការផ្ទេរទៅលេងនៅក្លឹប Consadole Sapporo ក្នុងកុងត្រាខ្ចីជើង២ឆ្នាំពីក្លឹប OH Leuven របស់បែលហ្សិក។
ក្លឹប Consadole Sapporo នេះត្រូវការអ្នកចាំទីថ្មី ដោយសារតែអ្នកចាំទី Gu Sung-Yun សញ្ជាតិកូរ៉េខាងត្បូងរបស់ពួកគេ ត្រូវត្រលប់ទៅស្រុកកំណើតវិញ ដើម្បីចូលបម្រើទ័ពដែលជាភារកិច្ច។ កីឡាករមាឌធំរបស់ថៃ Kawin ជាជម្រើសដំបូងសម្រាប់ក្លឹបនៅជប៉ុននេះ ខណៈដែលរូបគេផ្លាស់ទៅលេងនៅអឺរ៉ុបនោះមានបញ្ហារបួសជាប់ មិនសូវបានបង្ហាញខ្លួននោះទេ។
បានទៅលេងនៅក្លឹប Consadole Sapporo នេះ Kawin នឹងបានធ្វើការជាមួយមិត្តរួមសញ្ជាតិរបស់ខ្លួន Chanathip Songkrasin ជាក់ជាមិនខាន។ Chanathip នេះទើបត្រូវបានក្លឹបនេះ ទិញផ្ដាច់តែម្ដងកាលពីឆ្នាំ២០១៩កន្លងទៅ ក្រោយពីបង្ហាញសមត្ថភាពជួយក្រុមបានច្រើននៅពេលកន្លងមក៕ប្រភព៖ Football