នៅការហ្វឹកហាត់នាថ្ងៃចន្ទកន្លងទៅ គេមិនបានឃើញមានវត្តមានខ្សែការពារស្លាបស្តាំ Dani Carvajal នោះឡើយ ជាហេតុធ្វើឲ្យមានការព្រួយបារម្ភថានៅប្រកួតពេលខាងមុខទល់ Real Sociedad ទំនងជានឹងអវត្តមានកីឡាករសញ្ជាតិអេស្ប៉ាញ។
Carvajal ត្បិតការប្រកួតនៅ Madrid Derby កន្លងទៅ មិនឃើញមានប៉ះទង្គិចកើតរបួសត្រង់ណាលើទីលានក្តី តែតាមប្រភព BeSoccer បានសង្កត់ធ្ងន់ថាស្ថានភាពរបស់គេអាចមានភាពស្រពិចស្រពិល។
ប្រសិន Carvajal មិនអាចចូលរួមលេងពិតមែន នោះ Zidane នឹងរងប្រទះបញ្ហាធំនៅតំបន់ការពារស្លាប។ ស្របពេលដែល Odriozola ផ្លាស់ទៅ Bayern បាត់ហើយនោះ បែបនេះជម្រើសចុងក្រោយមានតែដាក់ Nacho Fernandez ដែលជាកីឡាករសល់ចុងក្រោយមួយរូបចូលរួមលេងដូចកាលប៉ះ Valladolid តែប៉ុណ្ណោះ៕
ប្រភព៖ BeSoccer