Manchester City ប្រឈមនឹងអវត្តមានខ្សែប្រយុទ្ធស្លាបដ៏សំខាន់គឺកីឡាករ Raheem Sterling នៅប្រកួតទល់ Real Madrid នាជំនួបវគ្គ ១៦ ក្រុមចុងក្រោយ UEFA Champions League ចុងខែនេះ បន្ទាប់ពីកីឡាករអង់គ្លេសរូបនេះបានជួបបញ្ហារបួសក្នុងប្រកួតទល់ Spurs កាលពីយប់មិញ។
Sterling បានប្តូរចេញភ្លាមៗនៅតង់ទីពីរ ហើយបើតាមសារព័ត៌មាន Marca បានជឿជាក់ថា Sterling អាចនឹងត្រូវអវត្តមានក្នុងការប្រកួតនៅឯកីឡដ្ឋាន Santiago Bernabeu នាថ្ងៃទី ២៦ កុម្ភៈខាងមុខ។
មកទល់ពេលនេះ Pep Guardiola ដែលជាអ្នកចាត់ការបានបដិសេធមិនធ្វើការបញ្ចេញយោបល់លើរឿងរ៉ាវនោះ ប៉ុន្តែអតីតគ្រូធំនៅ Barca រូបនេះបង្ហើបថាកីឡាករវ័យ ២៥ ឆ្នាំនឹងឆ្លងកាត់ការត្រួតពិនិត្យនៅពេលដ៏ខ្លីខាងមុខ ដើម្បីលម្អិតច្បាស់ពីស្ថានភាពរបួស៕
ប្រភព៖ Football-Espana