បើតាមសារព័ត៌មានអេស្ប៉ាញបានប៉ាន់ប្រមាណថាខ្សែប្រយុទ្ធរបស់ក្លឹបតោខៀវ Chelsea គឺកីឡាករ Willian អាចនឹងផ្លាស់មកចូលរួមនៅក្លឹបយក្ស LaLiga នៅលក្ខខណ្ឌឥតតម្លៃខ្លួននាទីផ្សារដោះដូររដូវក្តៅខាងមុខ។
Willian ដែលសេសសល់កុងត្រាត្រឹម ៦ ខែជាមួយ Chelsea កាលពីឆ្នាំទៅក៏ធ្លាប់ល្ហិចល្ហៀងថាគ្រោងផ្លាស់ទៅក្លឹបអេស្ប៉ាញម្តងដែរ ប៉ុន្តែនៅខែមករាកន្លងទៅហាក់មិនមានការចរចាត្រូវរ៉ូវណាមួយកើតឡើងសម្រាប់កីឡាករប្រេស៊ីលទាល់តែសោះ។
យ៉ាងណាមិញប្រភពបានជឿថាអតីតកីឡាករ Shaktar រូបនេះ នឹងជាផ្លូវក្រោយដែល Barcelona ត្រូវនាំយក ប្រសិនណាក្លឹបត្រូវលក់ចេញ Philippe Coutinho ឲ្យទៅក្លឹប Bayern Munich ឬក្លឹបកំពូលណាមួយនៅថ្ងៃខាងមុខ។
បញ្ជាក់ថាបុរសវ័យ ៣១ ឆ្នាំ រដូវកាលនេះបង្ហាញខ្លួន ២៤ ប្រកួតហើយឲ្យក្លឹប Chelsea ដោយរកបាន ៤ គ្រាប់និង Assist បាន ៤ លើក៕ ប្រភព៖ Football-Espana