លោក Setien អ្នកចាត់ការក្រុម FC Barcelona នៅមិនទាន់សប្បាយចិត្តជាមួយទម្រង់លេងរបស់ក្រុម Barcelona នៅយប់មិញនៅឡើយទេ បើទោះជាពួកគេទទួលបានជ័យជម្នះលើក្រុម Levante ២-១។
២គ្រាប់ដែលក្រុម Barcelona រកបាននៅយប់មិញគឺខ្សែប្រយុទ្ធវ័យក្មេង Ansu Fati ជាអ្នកធ្វើបានសម្រេចទាំងពីរគ្រាប់ ក្រោយពីទទួលបានការបញ្ជូនបាល់ពីប្រធានក្រុម Lionel Messi ។ យ៉ាងណាមិញ ជ័យជម្នះនេះមិនធ្វើឱ្យលោក Setien សប្បាយចិត្តខ្លាំងនោះទេ ព្រោះលោកមើលឃើញកូនក្រុមនៅមានចន្លោះប្រហោងច្រើននៅឡើយ។
អ្នកចាត់ការវ័យ៦១ឆ្នាំខាងលើបាននិយាយថា៖ “ខ្ញុំសប្បាយចិត្ត ប៉ុន្តែមិនមែនទាំងអស់គ្រប់រឿងនោះទេ។ យើងនៅមានកំហុសច្រើន យើងធ្វើបានល្អតែតង់ទី១ប៉ុណ្ណោះ។ យើងបាត់បង់ការគ្រប់គ្រងការប្រកួតនៅតង់ទី២បន្តិច ដែលធ្វើឱ្យពួកគេរកបាន១គ្រាប់វិញ។ សម្រាប់ប្រកួតនេះ ខ្ញុំគិតថាគួរតែបញ្ចប់ក្នុងលទ្ធផល ៨-២ ឬ ៨-៣ ទើបត្រឹមត្រូវ”៕ប្រភព៖ Marca
