ក្រុម Real Madrid នឹងធ្វើការប្រកួតតទល់ជាមួយក្រុម Altetico Madrid នៅម៉ោង១០យប់នេះ ក្នុងពានរង្វាន់ La Liga ។
ការប្រកួតនេះដែរ ក្រុម Real Madrid មិនមានវត្តមានរបស់ Gareth Bale ក្នុងបញ្ជីឡើយ ខណៈដែល Nacho និង Rodrygo ក៏មិនមានឈ្មោះដូចគ្នា។ បើទោះជាមិនសូវដាក់ Bale ឱ្យចូលលេងក៏ពិតមែន ប៉ុន្តែលោក Zidane នាពេលនេះហាក់ដូចជាប្ដូរចិត្តវិញហើយ លោកបានបញ្ជាក់ថាពេលនេះក្រុម Real Madrid ពិតជាត្រូវការ Bale ហើយលោកមិនគិតថារូបគេនឹងត្រូវចាកចេញនោះទេ។
អ្នកចាត់ការសញ្ជាតិបារាំងខាងលើបាននិយាយថា៖ “ខ្ញុំបានចាត់ទុកគេជាកីឡាករសំខាន់របស់យើង។ Bale គឺនៅជាមួយយើង។ មានកីឡាករដល់២៥នាក់ក្នុងក្រុមរបស់យើង ហើយនរណាដែលអាចផ្ដល់គ្រប់យ៉ាងដល់ក្លឹបនោះយើងនឹងទុករូបគេ។ ពិបាកសម្រាប់ខ្ញុំ ដើម្បីជ្រើសរើសយក១៨នាក់ចេញពី២៥នាក់។ អ្វីដែលយើងធ្វើ គឺដើម្បីឱ្យក្រុមបានល្អ និងទទួលបានជ័យជម្នះ”៕ប្រភព៖ Marca
