នៅថ្ងៃបញ្ចប់បិទទីផ្សារដោះដូរ ក្លឹបយក្ស Bundesliga គឺ Borussia Dortmund បានសម្រេចនាំយក Emre Can ចេញពី Juventus លើលក្ខខណ្ឌខ្ចីជើងតម្លៃប្រមាណ ១ លានអឺរ៉ូ និងសិទ្ធទិញផ្តាច់ ២៥ លានអឺរ៉ូនៅបញ្ចប់រដូវកាល។
គួរបញ្ជាក់ថា Can ទើបបានបង្ហាញខ្លួន ៨ ប្រកួតគត់ឲ្យ Juventus រដូវកាលនេះ ដោយក្នុងនោះមាន ២ លើកជាប់នៅជម្រើសដំបូង បូកចំនួននាទីសរុបមានត្រឹម ២៨០ នាទី ហើយកាលដែលផ្លាស់ទៅទ្រនំថ្មីក៏សង្ឃឹមនឹងអាចបង្ហាញខ្លួនច្រើនជាងនេះ។
កីឡាករវ័យ ២៦ ឆ្នាំបានមកដល់ Juventus នៅឆ្នាំ ២០១៨ ខណៈក្លឹបចាស់ដែលរូបគេធ្លាប់ចូលរួមមាន Bayern Munich, Bayer Leverkusen និង Liverpool៕ ប្រភព៖ BeSoccer