ក្រុមបាល់ទាត់ជម្រើសជាតិប្រេស៊ីលបានធ្លាក់ចេញពីពានរង្វាន់ FIFA World Cup 2018 នៅប្រទេសរុស្ស៊ីហើយ បន្ទាប់ពីពួកគេចាញ់ក្រុមបែលហ្សិកក្នុងលទ្ធផល ២-១។
ក្រុមទាំងសងខាងមានឱកាសរកគ្រាប់បាល់ដូចគ្នា ប៉ុន្តែខាងក្រុមបែលហ្សិកហាក់ដូចជាមានសំណាងច្រើនជាង ដោយអាចរកគ្រាប់បាល់បាន២គ្រាប់មុនឯណោះ។ យ៉ាងណាមិញ ការប្រឹងប្រែងស្វែងរកគ្រាប់បាល់តាមវិញនោះ គឺប្រេស៊ីលរកបាន១គ្រាប់ដែរ ប៉ុន្តែមិនគ្រប់គ្រាន់សម្រាប់ពួកគេឡើងវគ្គបន្ដឡើយ។ ចប់ការប្រកួត ប្រេស៊ីលត្រូវហាលអាវត្រឹមវគ្គ៨ក្រុមចុងក្រោយនេះឯង។
ការបរាជ័យក្រោមថ្វីជើងរបស់ក្រុមនៅតំបន់អឺរ៉ុបលើកនេះ គឺជាបរាជ័យទី៤ហើយសម្រាប់ប្រេស៊ីលដែលធ្លាក់ដោយសារតែក្រុមមកពីតំបន់អ្នកមានលុយច្រើននេះ។ ដោយឆ្នាំ ២០០៦ ពួកគេធ្លាក់ដោយសារក្រុមបារាំង ឆ្នាំ ២០១០ ធ្លាក់ដោយសារក្រុមហុល្លង់ ឆ្នាំ ២០១៤ ធ្លាក់ដោយសារក្រុមអាល្លឺម៉ង់ និងឆ្នាំ២០១៨នេះ ធ្លាក់ដោយសារក្រុមបែលហ្សិក។
មួយវិញទៀត ដោយសារតែប្រេស៊ីលនិងអ៊ុយរុយហ្គាយធ្លាក់យប់នេះទៅ ដូច្នេះការប្រកួតពានរង្វាន់ FIFA World Cup 2018 នេះ គឺនៅសល់តែក្រុមនៅតំបន់អឺរ៉ុបទាំងអស់។ ខណៈដែលក្រុមមកពីតាមទ្វីបផ្សេងទៀត គឺធ្លាក់ចេញអស់ហើយ៕ប្រភព៖ DailyMail
