នៅប្រកួតជុំទី ២៤ កាលពីយប់មិញ ក្លឹបហង្សក្រហម Liverpool បានយកឈ្នះទៅលើម្ចាស់ផ្ទះ West Ham ក្នុងលទ្ធផល ២-០ ដែលនេះជាកំណត់ត្រាជ័យជម្នះបន្ត ២៣ ប្រកួត (ស្មើ ១) មាន ៧០ ពិន្ទុដាច់គេនៅ Premier League។
Man City ដែលមានត្រឹម ៥១ ពិន្ទុចាញ់ដល់ទៅ ១៩ ពិន្ទុឯណោះ ដែលនេះសញ្ញាឆ្ពោះទៅការលើកពានក៏កៀកនឹងជិតបង្ហាញចម្លើយហើយ។
គួររំឭកថាកាលពីយប់មិញសម្រាប់ជំនួបនៅទឹកដី London Stadium គឺគ្រាប់បាល់សម្រេចបានដោយកីឡាករ Mohamed Salah នៅនាទី ៣៥ និង Alex Oxlade-Chamberlain នៅនាទី ៥២។
ទស្សនាវីដេអូខាងក្រោម៖
ប្រកួតបន្ទាប់នាចុងសប្តាហ៍នេះ Liverpool នឹងត្រូវប៉ះគ្នាជាមួយ Southampton ស្របពេលនៅពាក់កណ្តាលសប្តាហ៍ក្រោយសងសឹកជុំទី ៤ FA Cup រកលទ្ធផលចាញ់ឈ្នះទល់ Shrewsbury៕