លោក Jose Mourinho មិនអាចទិញខ្សែប្រយុទ្ធដែលខ្លួនចង់បាននោះទេ ក្រោយពីក្លឹប Spurs ផ្ដល់ប្រាក់ត្រឹមតែ១០លានផោនប៉ុណ្ណោះក្នុងខែមករានេះ ដើម្បីនាំយកកីឡាករថ្មី។
ENFIELD, ENGLAND – NOVEMBER 20: Jose Mourinho, Head Coach of Tottenham Hotspur talks to Harry Kane during the Tottenham Hotspur training session at Tottenham Hotspur Training Centre on November 20, 2019 in Enfield, England. (Photo by Tottenham Hotspur FC/Tottenham Hotspur FC via ក្រុម Spurs រំពឹងថានឹងអាចទិញបានខ្សែប្រយុទ្ធថ្មីនៅខែមករានេះ ដើម្បីជំនួសតំណែងរបស់កីឡាករ Harry Kane ដែលរបួសត្រូវសម្រាកច្រើនខែ។ លោក Jose បានចុចឈ្មោះខ្សែប្រយុទ្ធល្អៗដូចជា Krzysztof Piatek និង Willian Jose ជាដើម ដែលសុទ្ធតែជាគោលដៅក្រុមត្រូវការ។ ប៉ុន្តែបើមើលទៅថ្នាក់ដឹកនាំក្លឹបវិញ ពួកគេបានផ្ដល់ប្រាក់ត្រឹមតែ១០លានផោនប៉ុណ្ណោះឱ្យលោក Jose ចំណាយទិញកីឡាករនៅខែមករានេះ។ តាមចំនួននេះ លោក Jose នឹងមិនអាចនាំយកកីឡាករដែលខ្លួនលោកត្រូវការបានឡើយ។
Krzysztof Piatek របស់ក្រុម AC Milan ត្រូវបានគេដឹងថាមានតម្លៃខ្លួន២៥លានផោន ស្របពេលកីឡាករ Willian វិញ តម្លៃខ្លួនរបស់គេប្រមាណជា២១លានផោន។ តម្លៃខ្លួននេះ គឺធ្វើឱ្យ Spurs មិនអាចទិញយកបានឡើយ ពួកគេនឹងមើលកីឡាករដទៃទៀត ដែលមានតម្លៃទាបឬត្រឹម១០លានផោនប៉ុណ្ណោះ៕ប្រភព៖ Dailymail