ក្រុម FC Barcelona បានបញ្ចប់ការចង់បានខ្សែប្រយុទ្ធ Rodrigo ពីក្រុម Valencia ហើយ ដោយបច្ចុប្បន្នកំពុងសំឡឹងមើលខ្សែប្រយុទ្ធកណ្ដាលថ្មីទៀត។
តាមគម្រោង ដើម្បីបាន Rodrigo នេះ ក្រុម Barcelona ត្រូវទិញ Bruno Fernandes ពីក្រុម Sporting CP មកសិន ហើយឱ្យក្រុម Valencia ខ្ចីជើង ទើបពួកគេលក់ Rodrigo ឱ្យ។ ប៉ុន្តែដោយសារតែមានភាពរញ៉េរញ៉ៃខ្លាំងនេះហើយ ទើបក្រុមអ្នកមានបុណ្យលែងចង់បានខ្សែប្រយុទ្ធនេះទៀតហើយ ដោយពួកគេកំពុងរកមើលកីឡាករថ្មី ធ្វើយ៉ាងណាឱ្យទាន់មុនថ្ងៃបិទទីផ្សារដោះដូរកីឡាករនាខែមករានេះ។
លោក Setien ដែលជាអ្នកចាត់ការថ្មីរបស់ក្រុម Barcelona កំពុងស្វះស្វែងខ្លាំងដើម្បីរកអ្នកមកជំនួសតំណែងរបស់ Suarez ដែលរងរបួសទៅ។ ពួកគេពិបាកក្នុងការរកគ្រាប់បាល់ ជាក់ស្ដែងទើបបរាជ័យក្រោមថ្វីជើងក្រុម Valencia ក្នុងលទ្ធផល ២-០ ប៉ុណ្ណោះក្នុងលីគ៕ប្រភព៖ Marca