Zidane អ្នកចាត់ការក្រុម Real Madrid បានដាក់គោលដៅយកពានរង្វាន់ Copa del Rey ផងដែរ នារដូវកាលនេះ ក្រោយពីក្លឹបខកខានឈ្នះវាជាយូរមកហើយ។
ក្រុម Real Madrid នឹងត្រូវលេងតទល់ជាមួយក្រុម Real Zaragoza នៅម៉ោង៣រំលងអាធ្រាត្រនេះ ក្នុងការប្រកួតពានរង្វាន់ Copa del Rey វគ្គ១៦ក្រុមចុងក្រោយ។ មុនការប្រកួតឈានចូលមកដល់ លោក Zidane អ្នកចាត់ការក្រុម បានបញ្ជាក់ថាលោកមានបំណងបង្កើតប្រវត្តិសាស្ត្រមួយសម្រាប់ពានរង្វាន់ Cup នេះ។ លោកថា កីឡាករ Real Madrid មិនដែលមើលងាយពានរង្វាន់ណាមួយទេ ហើយ Copa del Rey នេះក៏ជាអ្វីដែលក្លឹបចង់ឈ្នះផងដែរ។
ក្នុងប្រវត្តិជួបគ្នា ក្រុម Real Zaragoza ក៏ធ្លាប់ធ្វើឱ្យ Real Madrid ចុកចាប់ផងដែរ។ ពួកគេធ្លាប់ឈ្នះក្រុមអធិរាជសនេះ បានក្នុងលទ្ធផល ៦-១ ឯណោះកាលពីឆ្នាំ២០០៦កន្លងទៅ ក្នុងពានរង្វាន់ Copa del Rey នេះឯង៕ ប្រភព ៖ Marca