បើតាមសារព័ត៌មាន Sky Sport បានចុះផ្សាយកិច្ចព្រមព្រៀងរវាងភាគីខាងក្លឹប Mancheseter United និង Sporting លើការនាំយក Bruno Fernandes គឺបានទទួលជោគជ័យហើយ ដោយការប្រកាសផ្លូវការទំនងនឹងត្រូវធ្វើឡើងយ៉ាងយូរចន្លោះពេល ២៤ ម៉ោងនេះ។
ប្រភពបានឲ្យដឹងថាតម្លៃខ្លួនរបស់ Fernandes គឺថ្លៃ ៥៥ លានអឺរ៉ូ ប៉ុន្តែតាមការចរចាកញ្ចប់ប្រាក់ឧបត្ថម្ភនិងលក្ខខណ្ឌផ្សេងៗបន្ថែមឡើងដល់ ៨០ លានអឺរ៉ូ។
ការចរចាដែលអូសបន្លាយពេលយូរបែបនេះ ក៏ដោយសារតែ Sporting មានបំណងចង់អូសទាញឲ្យ Fernandes ជួយក្លឹបដល់បញ្ចប់រដូវកាលសិន ប៉ុន្តែ United ហាក់មិនព្រមទាល់តែសោះ ព្រោះចាំបាច់ត្រូវយកកីឡាករព័រទុយហ្គាល់មកជួយយឹតយោងក្លឹបបានឡើងទៅលេង UEF A Champions League រដូវកាលក្រោយ។
គួរបញ្ជាក់ថារដូវកាលនេះបង្ហាញខ្លួនឲ្យក្លឹបនៅដីកំណើត Fernandes រកបាន ១៣ គ្រាប់និង Assist ១០ លើកជាប់នាមជាកីឡាករជំនាញខាងបោះបាល់វែងល្អបំផុតមួយរូបនៅអឺរ៉ុប៕
ប្រភព៖ AF