អ្នកចាំទី Thibaut Courtois របស់ក្រុម Real Madrid បានបញ្ជាក់ថាខ្លួនចង់ឈ្នះពានរង្វាន់ La Liga និង UEFA Champions League នារដូវកាលនេះ។
ក្រោយពីរដូវកាលដំបូងរងការរិះគន់ខ្លាំង Courtois បានប្រឹងប្រែងខ្លាំងនារដូវកាលនេះ និងជាប់ឈ្មោះជាអ្នកចាំទីល្អម្នាក់ផងដែរ។ អតីតកីឡាករ Atletico Madrid បានបញ្ជាក់ថាខ្លួនខំប្រឹងលើសដើម នៅពេលទទួលបានការរិះគន់កាលពីរដូវកាលដំបូង ហើយការខំហ្វឹកហាត់លើសដើមនេះហើយ ទើបធ្វើឱ្យខ្លួនសម្រេចបានលទ្ធផលដូចបច្ចុប្បន្នជួយក្រុមឈរនៅកំពូលតារាង La Liga បាន។
អ្នកចាំទីវ័យ២៧ឆ្នាំបានបន្ថែមទៀតថា៖ “ខ្ញុំចង់ឈ្នះពានរង្វាន់ La Liga និង UEFA Champions League ជាមួយក្រុម Real Madrid ។ វាជាអ្វីដែលខ្ញុំចង់សម្រេចឱ្យបាន។ ការលេងនៅក្លឹបនេះ គឺអ្នកត្រូវតែត្រៀមខ្លួនឱ្យបានរួចរាល់គ្រប់ពេលវេលា។ គ្រប់ការប្រកួតសុទ្ធតែសំខាន់ ហើយគោលដៅគឺត្រូវយកជ័យជម្នះឱ្យបាន”៕ប្រភព៖ Marca
