លោក Carles Rexach អតីតគ្រូបង្វឹកក្រុម FC Barcelona បាននិយាយថាការឡើងឈរកំពូលតារាងរបស់ក្រុម Real Madrid គឺជាសំណាងមួយប៉ុណ្ណោះ។
ក្រុម Real Madrid ក្រោយពីយកឈ្នះលើក្រុម Real Valladolid បានក្នុងលទ្ធផល ១-០ មក ពួកគេបានឡើងទៅឈរកំពូលតារាង La Liga ហើយ ក្រោយពីក្រុម Barcelona ចាញ់ក្រុម Valencia ក្នុងលទ្ធផល ២-០ រួចមក។ តែតាមលទ្ធផលឡើងឈរកំពូលតារាងលីគអេស្ប៉ាញនេះ ធ្វើឱ្យលោក Rexach ដែលធ្លាប់ជាអតីតកីឡាករ Barcelona និងធ្លាប់ដឹកនាំក្រុមនេះផងនោះ និយាយថានេះជាសំណាងមួយសម្រាប់ក្រុមលោក Zidane ប៉ុណ្ណោះ។
បុរសវ័យ៧៣ឆ្នាំបានបន្ថែមទៀតថា៖ “Real Madrid យកឈ្នះ Valladolid បានត្រឹម១-០ ប៉ុណ្ណោះ ហើយវាជាសំណាងមួយសម្រាប់ពួកគេ។ គ្មានក្រុមដែលឈ្នះស្រួលឡើយសម្រាប់រដូវកាលនេះ។ ក្រុម Barcelona កំពុងជួបបញ្ហាដែលត្រូវដោះស្រាយ ពួកគេមានរឿងច្រើនដើម្បីរៀបចំក្រុមឱ្យល្អប្រសើរឡើងវិញ”៕ប្រភព៖ Marca
