ខ្សែបម្រើ Christian Eriksen បានពិនិត្យសុខភាពជោគជ័យនៅក្លឹប Inter Milan ហើយ ក្នុងការផ្ទេរចេញពីក្រុម Spurs ក្នុងតម្លៃ១៧លានផោន។
ក្រុម Spurs របស់លោក Jose Mourinho បានសម្រេចចិត្តលក់ Eriksen ចេញហើយឱ្យទៅក្រុម Inter Milan ហើយ ក្រោយពីធ្វើការចរចាគ្នាជាច្រើនថ្ងៃកន្លងមក។ កីឡាករវ័យ២៧ឆ្នាំនេះ បានពិនិត្យសុខភាពបានយ៉ាងជោគជ័យ ហើយការបង្ហាញខ្លួនក្នុងឯកសណ្ឋានក្រុម Inter នឹងកើតមានក្នុងពេលឆាប់ៗនេះ។
លោក Jose បានបញ្ជាក់ថាលោកបានឃាត់កីឡាករEriksen ដែរ ប៉ុន្តែរូបគេបានសម្រេចចិត្តដើម្បីស្វែងរកបទពិសោធថ្មីទៅហើយ។ យ៉ាងណាមិញ លោកក៏កំពុងដុតដៃដុតជើង ដើម្បីស្វែងរកកីឡាករថ្មីមកជំនួសកន្លែងនេះ និងតំបន់ប្រយុទ្ធខាងលើផងដែរ៕ប្រភព៖ Dailymail