ក្រុម Atletico Madrid លេងបានត្រឹមស្មើក្រុម Leganes ក្នុងលទ្ធផល ០-០ ប៉ុណ្ណោះ ក្នុងការប្រកួតពានរង្វាន់ La Liga កាលពីយប់មិញនេះ។
កត្ដាធ្វើមិនបានល្អ២ប្រកួតជាប់គ្នាមកនេះ ធ្វើឱ្យមានមតិរិះគន់លើការដឹកនាំរបស់លោក Simeone ជាខ្លាំង ត្បិតអីក្រុមបច្ចុប្បន្នធ្លាក់ដល់លេខ៥ក្នុងតារាងទៅហើយ។ តែទោះជាយ៉ាងនេះក្ដី អ្នកចាត់ការក្រុម AT Madrid បាននិយាយថាក្រុមរបស់លោកនឹងត្រលប់ទៅរកភាពល្អប្រសើរវិញ ហើយលោកមិនចង់និយាយអ្វីច្រើនឡើយ សូមឱ្យអ្នកគាំទ្រចាំមើលសកម្មភាពវិញល្អជាង។
“យើងធ្វើមិនបានល្អ ខ្ញុំមិនអាចនិយាយអ្វីច្រើនឡើយ។ យើងនឹងប្រឹងប្រែងឡើងវិញ ដើម្បីបង្ហាញអ្នកគាំទ្ររបស់យើង ជាជាងការនិយាយច្រើនរកលេះដោះសារ។ យើងនឹងរកចំណុចអវិជ្ជមានក្នុងក្រុម ដើម្បីកែតម្រូវវាឡើងវិញ។ ក្នុងនាមជាគ្រូបង្វឹក ខ្ញុំជាអ្នករ៉ាប់រងនូវលទ្ធផលទាំងអស់”។ សម្ដីរបស់លោក Simeone អ្នកចាត់ការក្រុម Atletico Madrid ៕ប្រភព៖ Marca