ជាសាររំលែកទុក្ខមួយសម្រាប់ការបាត់បង់ជីវិតរបស់វីរបុរសបាល់បោះលោក Kobe Bryant ដែលបានស្លាប់ក្នុងហេតុការណ៍ធ្លាក់ឧទ្ធម្ភាគចក្រអំឡុងពេលចុះចតនៅឯទីក្រុង Calabasa រដ្ឋ California សហរដ្ឋអាមេរិក នៅព្រឹកថ្ងៃអាទិត្យ (ត្រូវនឹងយប់ឈានចូលថ្ងៃចន្ទម៉ោងនៅកម្ពុជា)។
Bryant បានស្លាប់ក្នុងវ័យ ៤១ ឆ្នាំ ជាមួយនឹងកូនស្រីឈ្មោះ Gianna ដែលមានវ័យ ១៣ ឆ្នាំ រួមទាំងមនុស្ស ៣ នាក់ឯទៀតនៅលើឧទ្ធម្ភាគចក្រឯកជនមួយគ្រឿង។ តាមអ្នករាយការណ៍ពីប្រធានក្រុមពន្លត់អគ្គិភ័យ Tony Imbrenda ប្រាប់ថា៖ “ជាអកុសលគ្មានអ្នករស់រានមានជីវិតនោះទេក្នុងហេតុការណ៍គ្រោះថ្នាក់នេះ”។
គួររំឭកថា Bryant ត្រូវបានរាប់បញ្ចូលជាវីរបុរសបាល់បោះដ៏ល្បីឈ្មោះមួយរូប និងជាតួឯករបស់ក្រុមបាល់បោះ Los Angeles Lakers ដែលលោកបានចំណាយពេល ២០ ឆ្នាំនៃអាជីពនៅទីនោះ ធ្លាប់ឈ្នះជើងឯក NBA ៥ សម័យកាល និងជាប់ឈ្មោះ MVP នាវគ្គផ្តាច់ព្រ័ត្រ ២ លើកផងដែរ៕
ប្រភព៖ AF