Roma ​យក​បាន​កីឡាករ Barcelona ​ម្នាក់ ​ក្នុង​លក្ខខណ្ឌ​ខ្ចី​ជើង​

ក្រុម Roma ​បាន​ខ្ចី​ជើង​កីឡាករ​ Carles Perez ​ពី​ក្រុម Barcelona ​រហូត​ដល់​ចប់​រដូវ​កាល​នេះ ជាមួយ​លក្ខខណ្ឌ​ទិញ​យក​ដាច់​តែ​ម្ដង​ ក្នុង​តម្លៃ​១៣​លាន​អឺរ៉ូ។Perez ​វ័យ​២១​ឆ្នាំ​ជា​កីឡាករ​ឆ្នើម​ម្នាក់​របស់​ក្រុម Barcelona ​។ ប៉ុន្តែ​ដោយសារ​តែ​រូបគេ​មិន​ស្ថិត​ក្នុង​គម្រោង​របស់​លោក Setien ​អ្នក​ចាត់ការ​ថ្មី ​ទើប​ខ្លួន​ស្នើ​សុំ​ចាកចេញ​តែ​ម្ដង។ Roma ​ជា​ក្លឹប​មួយ​ដែល​បាន​ដាក់​សំណើ​មុន​គេ ​ដោយ​ខ្ចី​ជើង​យក​ទៅ​លេង​រហូត​ដល់​ចប់​រដូវ​កាល​នេះ ហើយ​ប្រសិន​បើ​មើល​ឃើញ​ថា​ល្អ​និង​ទិញ​យក​ដាច់​តែ​ម្ដង​ក្នុង​តម្លៃ​ខ្លួន​១៣​លាន​អឺរ៉ូ។

Perez ​លេង​នៅ La Liga ​បាន​១០​ប្រកួត​ដែរ​នា​រដូវ​កាល​នេះ ​និង​រក​បាន​១​គ្រាប់។ ​ខ្សែ​ប្រយុទ្ធ​ស្លាប​រូប​នេះ​ក៏​មាន​ឈ្មោះ​លេង​ក្នុង​បញ្ជី​ជម្រើស​ជាតិ​ក្រោម​អាយុ​២១​ឆ្នាំ​របស់​ជម្រើស​ជាតិ​អេស្ប៉ាញ​ផង​ដែរ៕


ប្រភព៖ Marca

ភ្ជាប់ទំនាក់ទំនងជាមួយ CTS SPORT