ក្រុម Bayern Munich បានយកឈ្នះលើក្រុម Schalke ក្នុងលទ្ធផល ៥-០ ឯណោះក្នុងការប្រកួតលីគកំពូលអាល្លឺម៉ង់ សប្ដាហ៍ទី១៩នៅយប់មិញនេះ។ខ្សែប្រយុទ្ធ Lewandowski ជាអ្នករកគ្រាប់បាល់នាំមុខមុន នៅនាទីទី៥ មុនពេល Muller ថែមបាន១គ្រាប់ទៀតនៅនាទី៤៥+២។ ឈានចូលតង់ទី២ទៀត ក្រុមម្ចាស់ផ្ទះនេះក៏ថែមបាន៣គ្រាប់ ដោយ Goretzka នាទី៥០ Alcantara នាទី៥៨ និង Gnabry នាទី៨៩។ ក្នុងការប្រកួតនេះដែរ ក្រុម Bayern ស៊ុតចេញ២៤ជើងឯណោះ ខណៈដែលមានគ្រាប់បាល់៥គ្រាប់។
Robert Lewandowski គិតថែម១គ្រាប់នៅយប់មិញនេះទៀត រូបគេរកបាន២១គ្រាប់ហើយសម្រាប់រដូវកាលនេះក្នុងលីគអាល្លឺម៉ង់។ ខណៈដែល Bayern វិញក្នុងតារាងពិន្ទុឈនៅលេខ២ ដោយចាញ់ក្រុមលេខ១ Leipzig តែ១ពិន្ទុប៉ុណ្ណោះ៕
ប្រភព៖ DailyMail