ក្រុម Barcelona បានបរាជ័យក្រោមថ្វីជើងក្រុម Valencia ក្នុងលទ្ធផល ២-០ នាការប្រកួតពានរង្វាន់ La Liga នៅយប់មិញនេះ។ក្រោយពីបរាជ័យដំបូងក្រោមការដឹកនាំរបស់ខ្លួន លោក Setien បានបង្ហាញអារម្មណ៍ដូច្នេះថា៖ “រឿងពិតគឺយើងលេងមិនល្អ ខណៈដែល Valencia ធ្វើបានល្អជាង។ ជាពិសេសតង់ទី១ យើងមិនអាចស្វែងរកឱកាសបាននោះទេ។ មានរឿងជាច្រើនដែលកីឡាករមិនទាន់យល់ពីការលេងរបស់ខ្ញុំ។ កីឡាករយើងលេងបាល់ប៉ះឱ្យគ្នាបានច្រើនហើយ ប៉ុន្តែមិនទាន់រកចំណុចបញ្ចប់ទីបាន”។
កាលពីសប្ដាហ៍មុនទល់ក្រុម Granada ក្រុម FC Barcelona នេះបោះបាល់ឱ្យគ្នាទៅវិញទៅមកបានជាង១ពាន់ប៉ះឯណោះ ប៉ុន្តែបង្កើតឱកាសបានតែ៦ដងប៉ុណ្ណោះ។ ប្រកួតនោះ ពួកគេត្រូវរង់ចាំដល់នាទី៧៧ ទើប Messi អាចទម្លាយសំណាញ់ទីបាន។ ដោយឡែកទល់ Valencia នេះ ក៏ដូចគ្នា ការប៉ះបាល់បានច្រើន ប៉ុន្តែឱកាសក៏នៅមានតិចដែរ៕