មិន​គួរ​ឱ្យ​ជឿ ​Barcelona ​ចាញ់​ក្រុម Valencia ​២-០ ​

ក្រុម FC Barcelona ​ធ្វើ​មិន​បាន​ល្អ​ឡើយ​ក្នុង​ការ​ប្រកួត​ពាន​រង្វាន់ La Liga ​នៅ​យប់មិញ​នេះ ​ដោយ​ចាញ់​ក្រុម Valencia ​ក្នុង​លទ្ធផល ២-០ ​ឯ​ណោះ។ក្រុម​ម្ចាស់​ផ្ទះ Valencia ​មាន​ឱកាស​រក​គ្រាប់​បាល់​តាំង​ពី​នាទី​១២​ម្ល៉េះ ដោយ​បាល់​ប៉េណាល់ទី ប៉ុន្តែ​អ្នក​ចាំទី Stegen ​អាច​ជួយ​សង្គ្រោះ​បាល់​នោះ​បាន។ ​តែ​យ៉ាងណាមិញ ​ការ​ជួយ​សង្គ្រោះ​នោះ​មិន​អាច​មាន​រហូត​ឡើយ ពោល​គឺ​នាទី​៤៨ Gomez ​ដែល​ប៉េណាល់ទី​មិន​ចូល​នោះ ​អាច​រក​គ្រាប់​បាល់​បាន​នាំ​មុខ ​ក្រុម Barcelona ​១-០។ ​ឈាន​ចូល​នាទី​៧៧ ​ខ្សែ​ប្រយុទ្ធ​ដដែល​នេះ ក៏​ថែម​បាន​១​គ្រាប់​ទៀត ​ដើម្បី​ទទួល​បាន​ជ័យជម្នះ ២-០ ​តែ​ម្ដង។

លទ្ធផល​នេះ ​ក្រុម Barcelona ​ឈរ​នៅ​លេខ​១​ក្នុង​តារាង​សិន ​ដោយ​ចាំ​មើល​ក្រុម Real Madrid ​ប្រកួត​នៅ​យប់​នេះ។ ប្រសិន​បើ​ក្រុម Real Madrid ​លេង​ស្មើ​ឬ​ឈ្នះ​ក្រុម Real Valladolid ​នោះ​ពួកគេ​នឹង​ឡើង​ឈរ​លេខ​១​វិញ​ហើយ៕


ប្រភព៖ DailyMail

ភ្ជាប់ទំនាក់ទំនងជាមួយ CTS SPORT