ការចាប់ឆ្នោតក្នុងវគ្គ១៦ក្រុមចុងក្រោយពានរង្វាន់ Copa del Rey បានរកឃើញក្រុមប៉ះគ្នាហើយ ក្នុងនោះក្រុម Real Madrid នឹងប៉ះក្រុម Real Zaragoza ។
នេះអាចជារឿងមិនល្អមួយសម្រាប់ក្រុម Real Madrid ក៏ដូចជាអ្នកគាំទ្រផ្ទាល់។ ត្បិតអីក្រុម Real Zaragoza នេះ ធ្លាប់ធ្វើឱ្យអធិរាជសចុកចាប់ម្ដងមកហើយកាលពីឆ្នាំ២០០៦កន្លងទៅ។ នៅគ្រានោះ ក្នុងពានរង្វាន់ Copa del Rey នេះឯង គឺក្រុម Real Zaragoza បានយកឈ្នះលើក្រុម Real Madrid បានក្នុងលទ្ធផល ៦-១ ឯណោះនាទឹកដីរបស់ពួកគេ។ ខណៈដែលជើងទី២វិញ ក្រុម Real Madrid អាចយកឈ្នះវិញបានក្នុងលទ្ធផល ៤-០ តែគិតទាំងពីរជើង ក្រុម Real Madrid ជាអ្នកធ្លាក់។
រំលឹកថាក្រុម Real Madrid លេងក្នុងពានរង្វាន់ Copa del Rey នេះ ពួកគេមិនសូវជាកាក់កបប៉ុន្មាននោះទេ។ តែយ៉ាងណាមិញ សម្រាប់រដូវកាលនេះ គេសង្កេតឃើញថាក្រុម Real Madrid មានកីឡាករក្មេងៗល្អ ដូច្នេះហើយអាចនឹងប្រជែងយកពាននេះដែរ៕ប្រភព៖ Marca