Pierre-Emerick Aubameyang បានឱ្យភ្លើងខៀវ ជាសញ្ញាឱ្យក្លឹប FC Barcelona ទិញយករូបគេទៅលេងនាខែមករានេះ ក្រោយពីលែងមានចិត្តលេងនៅ Arsenal ទៀតហើយ។
Aubameyang បាននិយាយថាខ្លួនចង់ចាកចេញពីក្រុមកាំភ្លើងធំហើយ ដោយសារតែខ្លួនបានចំណាយពេលគ្រប់គ្រាន់នៅទីនេះ។ ក្លឹបបន្ទាប់ដែលរូបគេចង់ទៅលេងនោះ គឺក្រុម FC Barcelona ដែលកំពុងត្រូវការខ្សែប្រយុទ្ធជំនួសតំណែងរបស់ Suarez ស្រាប់។ រូបគេ រំពឹងថាក្រុមអ្នកមានបុណ្យនឹងពិចារណាយករូបគេ ព្រោះក្រុម Arsenal ក៏អាចនឹងលក់ក្នុងតម្លៃសមរម្យមិនថ្លៃនោះដែរ។
ក្រុម Arsenal បច្ចុប្បន្ននេះលេងមិនសូវបានល្អទេ បើទោះជាពួកគេបានផ្លាស់ប្ដូរអ្នកចាត់ការថ្មីហើយក៏ដោយ។ ស្របពេល Aubameyang ក៏នឹងឈានដល់ឆ្នាំចុងក្រោយរបស់ខ្លួនផងដែរនៅពេលខាងមុខ។ ដូច្នេះហើយ តម្លៃខ្លួនរបស់កីឡាកររូបនេះ មិនថ្លៃខ្លាំងឡើយ ប្រសិនបើក្លឹបណាចង់បាន៕ប្រភព៖ Dailymail
