លោក Klopp ចង់ក្អួតនៅពេលដែលឮគេនិយាយថាទោះក្រុម Liverpool លេងចាញ់៦ប្រកួតនៅពេលខាងមុខ ក៏ពួកគេនៅតែមានឱកាសលើកពានលីគកំពូលអង់គ្លេសដែរ។
ក្រុម Liverpool បានយកឈ្នះលើក្រុម Wolves បានក្នុងលទ្ធផល ២-១ ក្នុងការប្រកួតលីគកំពូលអង់គ្លេសសប្ដាហ៍ទី២៣របស់ខ្លួន។ នេះជាជំហានបន្ទាប់របស់ក្រុមលោក Klopp ឈានទៅរកពានរង្វាន់ហើយ ព្រោះថាពួកគេដាច់ពិន្ទុក្រុមលេខ២ ឆ្ងាយខ្លាំងមែនទែន ហៅលែងឮទៅហើយ។
ជាមួយការធ្វើបានយ៉ាងល្អនេះ មានអ្នកគាំទ្រថាទោះក្រុម Liverpool លេងធ្វើចាញ់៥ទៅ៦ប្រកួតទៀត ក៏ពួកគេនៅមានឱកាសលើកពានដដែល។ សម្ដីនេះ បានធ្វើឱ្យលោក Klopp មិនពេញចិត្តនោះទេ។ អ្នកចាត់ការសញ្ជាតិអាល្លឺម៉ង់បាននិយាយថា៖ “ខ្ញុំចង់ក្អួតនៅពេលឮសម្ដីនេះ។ យើងមិនអាចមើលស្រាលការប្រកួតណាមួយឡើយ។ យើងនឹងប្រឹងប្រែងរហូតដល់ទីបញ្ចប់”៕ប្រភព៖ Dailymail
