នៅម៉ោង៩យប់នេះ ក្រុមបាល់ទាត់ជម្រើសជាតិអ៊ុយរុយហ្គាយត្រូវតតាំងជាមួយក្រុមបារាំងហើយ នៅវគ្គ៨ក្រុមចុងក្រោយពានរង្វាន់ FIFA World Cup 2018 ។
មុនការប្រកួតនេះឈានចូលមកដល់ ក្រុមអ៊ុយរុយហ្គាយ កំពុងមានវិបត្តិខ្សែប្រយុទ្ធ។ Cavani បានរងរបួស អំឡុងពេលលេងទល់ក្រុមព័រទុយហ្គាល់។ ខ្សែប្រយុទ្ធរូបនេះ មិនទាន់បានចូលហាត់ជាមួយមិត្តរួមក្រុមនោះទេ ដោយរូបគេត្រូវហាត់ម្នាក់ឯងសិន ស្របពេលការប្រកួតនឹងឈានចូលមកដល់នៅម៉ោង៩យប់នេះហើយ។
មិត្តរួមក្រុមរបួសនេះ បានធ្វើឱ្យ Luis Suarez មានក្ដីបារម្ភដែរ ត្បិតអី Cavani ជាកីឡាករសំខាន់មិនអាចខ្វះបានម្នាក់ក្នុងក្រុមជម្រើសជាតិ។ ខ្សែប្រយុទ្ធលេងនៅក្លឹប FC Barcelona បាននិយាយថា៖ “ខ្ញុំនិងប្រជាជនអ៊ុយរុយហ្គាយ ៣លាននាក់ទៀត កំពុងរង់ចាំគាត់ត្រលប់មកជួយជម្រើសជាតិវិញ។ ខ្ញុំដឹងគាត់កំពុងស្ថិតក្នុងស្ថានការណ៍ពិបាក ព្រោះរបួសមិនមានពេលច្រើនក្នុងការព្យាបាល។ ប៉ុន្តែខ្ញុំជឿថាគាត់នឹងត្រលប់មកជួយយើងទាន់ពេលវេលា”៕ប្រភព៖ Beinsports
