ក្រុម FC Barcelona នឹងត្រូវប៉ះក្រុម Ibiza ក្នុងការប្រកួតពានរង្វាន់ Copa del Rey នៅម៉ោង១យប់ថ្ងៃពុធនេះ ដោយអវត្តមានកីឡាករសំខាន់ Lionel Messi , Pique និង Busquets ។
លោកSetien អ្នកចាត់ការក្រុម FC Barcelona បាននិយាយមុនការប្រកួតនេះថា៖ “យើងមិនមាន Messi ប៉ុន្តែខ្ញុំនឹងប្រាប់ទៅកីឡាករដទៃទៀតថាពួកគេក៏សំខាន់ដែរ។ នៅរាត្រីនេះ ជាការប្រកួតពិសេសមួយ។ វានឹងផ្ដល់ឱកាសឱ្យកីឡាករបញ្ចេញសមត្ថភាព។ ខ្ញុំចូលចិត្ត Copa តាំងពីនៅជាកីឡាករ។ វាជាការប្រកួតល្អមួយ ក្រុម Barcelona តែងតែធ្វើបានល្អក្នុងការប្រកួតនេះ យើងនឹងព្យាយាមឈ្នះវាឱ្យបាន”។
នេះជាប្រកួតទី២របស់លោក Setien ក្នុងនាមជាអ្នកចាត់ការក្រុម FC Barcelona ។ កាលពីប្រកួតទី១កន្លងទៅ លោកដឹកនាំក្រុមឈ្នះ Granada ក្នុងលទ្ធផល ១-០ ដោយ Messi ជាអ្នកបំប៉ោងទីបានសម្រេច៕ប្រភព៖ Marca