ក្រុម Chelsea លេងបានស្មើក្រុម Arsenal ក្នុងលទ្ធផល ២-២ ក្នុងទឹកដីខ្លួនឯង បើទោះជាពួកគេមានឱកាសនាំមុខទៅហើយក៏ដោយ។
ក្រុមតោខៀវ បានបាត់បង់ពិន្ទុ៧ដងមកហើយក្នុងការប្រកួត១២ប្រកួតក្នុងទឹកដីរបស់ខ្លួននារដូវកាលនេះ បើទោះជាពួកគេបាននាំមុខដៃគូហើយក៏ដោយ ក៏តែងតែរបូតគ្រាប់ទៅវិញដែរ។ ជាមួយកំហុសនៅតំបន់ការពារនេះ ត្រូវបានលោក Lampard បញ្ជាក់ថា៖ “យើងបានបង្កើតឱកាសច្រើន ប៉ុន្តែរឿងចាស់ កំហុសចាស់ បានកើតឡើងដដែលៗ។ ខ្ញុំមិនសប្បាយចិត្ត ព្រោះស្ថានភាពប្រកួតដូចប៉ះ Arsenal យើងគួរតែបាន៣ពិន្ទុ។ ពួកគេនៅសល់គ្នាត្រឹមតែ១០នាក់ប៉ុណ្ណោះ”។
រំលឹកថាក្នុងការប្រកួតនេះ David Luiz បានកាតក្រហមតាំងពីនាទី២៦ដើមតង់ទី១។ ក្រុម Chelsea អាចរកគ្រាប់បាល់បាន ប៉ុន្តែក៏ត្រូវក្រុមកាំភ្លើងធំដែលសល់គ្នាត្រឹម១០នាក់វាយបករហូតតាមបានស្មើ ២-២ វិញផងដែរ៕ប្រភព៖ Dailymail
