• ផ្លូវការ! អតីត​កូន​បិសាច Chicharito ផ្លាស់​ទៅ​លេង​ឲ្យ​ក្លឹប​ចាស់​ Zlatan ហើយ

    បន្ទាប់​ពី Zlatan Ibrahimovic បាន​ចាកចេញ​ពី​ទ្រនំ​ទឹកដី​អាមេរិក LA Galaxy ទី​បំផុត​ក្លឹប​មួយ​នេះ​ក៏​ស្រាប់​តែ​យក​បាន​ខ្សែ​ប្រយុទ្ធ​ថ្មី​ដ៏​ជំនាញ​មួយ​រូប​ទៀត​គឺ Javier Hernandez ឬ​អ្នក​រាល់​គ្នា​ស្គាល់​ថា​ជា Chicharito ល្បី​ខ្លាំង​នៅ​ជំនាន់​លេង​ឲ្យ Man Utd។

    ក្លឹប​ចុង​ក្រោយ​របស់​កីឡាករ​ម៊ិចស៊ីកូ​មុន​មក​ចូលរួម​នៅ LA គឺ Sevilla ដោយ​ក្លឹប​ខាង​ MLS ព្រមព្រៀង​លើ​តម្លៃ​ខ្លួន​របស់​គេ​ថ្លៃ ៧ លាន​ផោន។ ការ​ចាកចេញ​របស់​គេ​ឆ្លើយតប​នឹង​កខ្វះ​ខាត​ពេលវេលា​លេង​ក្រោម​ការ​ដឹកនាំ​របស់​លោក Julen Lopetegui។

    រំឭក​ថា​ Hernandez ជា​ជើង​ស៊ុត​មួយ​រូប​របស់​ជម្រើស​ជាតិ​ម៊ិចស៊ីកូ​ដែល​រក​បាន​សរុប ៥២ គ្រាប់។ ឆ្លើយតប​នឹង​ការ​ចាកចេញ​នេះ​ដែរ លោក​ប្រាប់​ថា៖ “នៅ​រយៈ​ពេល ២ ឆ្នាំ​ចុង​ក្រោយ​អ្នកចាត់ការ​បាន​ផ្តល់​ការ​ជឿ​ទុក​ចិត្ត​ទៅ​លើ​កីឡាករ​ដទៃ​ជា​ជាង​ខ្ញុំ ហើយ​ពេល​នេះ LA Galaxy គឺ​គេ​ប្រាប់​ថា​បាន​ផ្តល់​ទំនុក​ចិត្ត​មក​លើ​ខ្ញុំ​ពេញ​ទំហឹង”៕ ប្រភព៖ AF

    ភ្ជាប់ទំនាក់ទំនងជាមួយ CTS SPORT