Kylian Mbappe បានបញ្ជាក់កាលពីពេលកន្លងទៅថ្មីៗនេះ ជុំវិញបំណងប្រាថ្នាលើពានរង្វាន់ធំៗ ៣ ដែលខ្លួនចង់សម្រេចឲ្យបាននៅឆ្នាំ ២០២០ នេះ។
កីឡាកររបស់ PSG និងលេងនៅជម្រើសជាតិបារាំង វ័យ ២១ ឆ្នាំធ្លាប់ឈ្នះ World Cup ២០១៨ ម្តងហើយ។ ទន្ទឹមនឹងព្រឹត្តិការណ៍ធ្វើកម្មវិធីសប្បុរសធម៌របស់ខ្លួន Mbappe និយាយថា៖ “ពាន ៣ ដែលខ្ញុំចង់ឈ្នះរួមមាន Champions League, European Championship និង Olympic Games”។
ខ្សែប្រយុទ្ធរូបនេះបន្ត៖ “ខ្ញុំចង់បំពេញក្តីស្រមៃរបស់ខ្ញុំ ហើយក៏នឹងមានមោទនភាពនៅពេលនោះប្រសិនអាចឈ្នះពានរង្វាន់អឺរ៉ុបសម្រាប់ក្លឹប PSG និងប្រទេសរបស់យើងបាន”។
គួររំឭកថាកន្លងទៅ Mbappe ធ្លាប់និយាយហើយថាប្រសិនការទៅចូលរួមកីឡាអូឡាំពិកនៅឯជប៉ុន ទទួលការរាំងស្ទះពីសំណាក់ក្លឹប PSG នោះរូបគេផ្ទាល់ក៏មិនប្រកែកអ្វីនោះដែរ៕ ប្រភព៖ BeSoccer