តាមសារព័ត៌មាន TheSun ចុះផ្សាយថាក្លឹប Manchester United បាននឹងកំពុងចូលខ្លួនប្រជែងចង់បានខ្សែប្រយុទ្ធ Lautaro Martinez បន្ទាប់ពីមើលឃើញនៅកង្វះខាតជួរមុខរបស់ខ្លួន ក្រោយពេល Romelu Lukaku ចាកចេញទៅនារដូវក្តៅ។
Martinez ជាកីឡាករដ៏សំខាន់មួយរូបរបស់ Inter Milan ហើយសូម្បីតែក្លឹប Barcelona និង Man City ក៏សម្លឹងចង់បានរូបគេដូចគ្នា។
City មើលឃើញថា Gabriel Jesus មានវ័យកាន់តែចំណាស់ មិនខុសពី Barcelona បារម្ភខ្លាច Luis Suarez ត្រូវចាកចេញដោយសារកត្តាអាយុក្នុងពេលឆាប់ៗនេះ ទើបព្យាយាមចង់ទាញយកមិត្តរួមជម្រើសជាតិអាហ្សង់ទីនរបស់ Messi មកចូលរួមឲ្យបានឆាប់។
យើងនឹងរង់ចាំមើលទាំងអស់គ្នា តើ Man Utd អាចប្រជែងយកឈ្នះ City ឬ Barca នាំយក Martinez មក Old Trafford ឬយ៉ាងណា?
បញ្ជាក់ថា Martinez រកបាន ១០ គ្រាប់ហើយក្នុងការបង្ហាញខ្លួនសរុប ១៩ លើក។ នៅ UEFA Champions League ៦ ប្រកួតរកបាន ៥ គ្រាប់ផងដែរ៕ ប្រភព៖ BeSoccer