ខ្សែប្រយុទ្ធ Kylian Mbappe បានបញ្ជាក់ថាលោក Zidane គឺជា Idol របស់គេតាំងពីតូចមកម្ល៉េះ ហើយប្រសិនបើបានធ្វើការជាមួយគ្នា នោះជាក្ដីស្រមៃក្លាយជាការពិតហើយ។
ក្រុម Real Madrid តាមទិញខ្សែប្រយុទ្ធរបស់ក្រុម PSG ខាងលើតាំងពីរដូវក្ដៅកន្លងទៅម្ល៉េះ ប៉ុន្តែមិនបានសម្រេចឡើយ ព្រោះតម្លៃខ្លួនរបស់គេថ្លៃខ្លាំងមែនទែន។ លោក Zidane បើទោះជាលើកទី១ទិញមិនបាន ក៏លោកមិនទាន់បោះបង់ក្ដីស្រមៃឡើយ ហើយប្រភពជាច្រើននៅបារាំងក៏បង្ហើបទៀតថា Mbappe អាចនឹងចាកចេញនៅរដូវកាលក្រោយ។
ស្របពេលជាមួយដំណឹងយ៉ាងច្រើននេះ សាមីខ្លួនបាននិយាយដូច្នេះថា៖ “កាលនៅក្មេង Idol បាល់ទាត់របស់ខ្ញុំគឺ Zidane បន្ទាប់មក Ronaldo ។ ខ្ញុំមានសំណាងណាស់ដែលបានលេងទល់ Idol របស់ខ្ញុំកន្លងមក។ ខ្ញុំមិនចង់និយាយពីអនាគតឡើយ ព្រោះពេលនេះខ្ញុំផ្ដោតតែលើការលេងឱ្យ PSG ប៉ុណ្ណោះ។ ខ្ញុំចង់ឈ្នះ Champions League ជាមួយក្រុមនេះ”៕ប្រភព៖ Marca
