អ្នកប្រដាល់វៀតណាម Truong Dinh Hoang នឹងឡើងការពារពិភពលោក WBA ទម្ងន់ ៧៦គីឡូក្រាមនៅប្រទេសហ្វីលីពីនខែក្រោយនេះ។រូបគេនឹងត្រូវជួបកីឡាករថៃ Yuttanna Wongda នៅថ្ងៃទី១៥ខែកុម្ភៈក្នុងប្រភេទប្រដាល់សាកលអាជីពប្រកួត១២ទឹកនៅក្នុងកម្មវិធី Highland International Boxing Promotion នៅសង្វៀន Manila Arena។
Wongda វ័យ៣១ឆ្នាំកំពុងកាន់កំណត់ត្រាឈ្នះ១៤ដង(ឈ្នះសន្លប់១០)និងចាញ់២៥ដង ក្នុងចំណោមការឡើងសង្វៀន៣៩ដងប៉ុន្តែរូបគេមានបទពិសោធប្រកួតច្រើនជាងម្ចាស់ខ្សែក្រវាត់វៀតណាមដែលទើបឡើងមកប្រកួតលក្ខណៈអាជីពនៅឆ្នាំ២០១៩។ កាលពីព្រឹត្តិការណ៍ SEA Games 2019 Hoang បានមេដាយប្រាក់ក្នុងប្រភេទទម្ងន់៨១គីឡូក្រាម។
គាត់ធ្លាប់ឈ្នះមេដាយមាសកាល2015 SEA Gamesប៉ុន្តែបានចូលនិវត្តន៍អស់មួយរយៈដោយសាររបួសពេលដែលចូលរួមក្នុងព្រឹត្តិការណ៍ Olympics 2016។ រូបគេបានត្រឡប់មកវិញកាលពីឆ្នាំមុនហើយឡើងប្រកួតបែបលក្ខណៈអាជីពហើយកីឡាករវ័យ២៩ឆ្នាំនេះក៏ដល់វ័យជិតចូលនិវត្តន៍ព្រោះកាន់តែចាស់ទៅហើយ។
ឡើងប្រកួតបែបលក្ខណៈអាជីពលើកដំបូងគាត់បានយកឈ្នះកីឡាករថៃ Arthit Bunphloengហើយបន្ទាប់មកគាត់បានឈ្នះកីឡាករកូរ៉េខាងត្បូង Lee Gyu Huyn ក្នុងទឹកទី១០កាលពីថ្ងៃទី១៩ខែតុលាហើយឈ្នះខ្សែក្រវាត់ WBAនេះតែម្ដង៕