ខ្សែបម្រើ Busquets មានជំនឿចិត្តលើការដឹកនាំរបស់លោក Quique Setien ហើយជឿជាក់ថានារដូវកាលនេះ ក្រុម Barcelona អាចឈ្នះពានរង្វាន់ទាំងអស់។
ប្រកួតដំបូងក្រោមការដឹកនាំរបស់អ្នកចាត់ការថ្មី ក្រុម Barcelona បានយកឈ្នះលើក្រុម Granada ក្នុងលទ្ធផល ១-០ ល្មម៣ពិន្ទុសម្រាប់ពួកគេឡើងឈរលើកំពូលតារាង La Liga វិញ។ ជាមួយអ្នកចាត់ការថ្មីនេះ ក្រុមកីឡាករទាំងអស់ហាក់ដូចជាសប្បាយចិត្ត ហើយការប្រកួតយប់មិញ ក្រុមនេះក៏បានប៉ះបាល់ច្រើនបំផុតផងដែរ។
Busquets កីឡាករឆ្នើមម្នាក់របស់ក្រុមអ្នកមានបុណ្យបាននិយាយក្រោយចប់ការប្រកួតថា៖ “ថ្នាក់ដឹកនាំជាអ្នកសម្រេចថានរណាមកដឹកនាំយើង ទោះជាអ្នកចាត់ការណាក៏ដោយ គឺយើងរំពឹងថានឹងទទួលបានផលល្អ។ យើងអាចឈ្នះពានរង្វាន់ទាំងអស់នារដូវកាលនេះ។ ខ្ញុំមិនធ្វើការប្រៀបធៀបទេចំពោះអ្នកចាត់ការក្រុម ព្រោះពួកគាត់មានបច្ចេកទេសខុសគ្នា”៕ប្រភព៖ Marca
