ក្រុម FC Barcelona បានយកឈ្នះលើក្រុម Granada ក្នុងលទ្ធផល ១-០ ដោយខ្សែប្រយុទ្ធ Lionel Messi ជាអ្នកជួយក្រុមយកបាន៣ពិន្ទុនេះ។
ក្រុម Barcelona នៅតែមិនទាន់អាចសម្របជាមួយទម្រង់លេងថ្មីរបស់លោក Quique Setien បានច្បាស់នោះទេ ប៉ុន្តែសម្រាប់ការប្រកួតនៅយប់មិញ ពួកគេអាចយកបាន៣ពិន្ទុដដែល ដោយត្រូវអរគុណទៅ Messi ជាអ្នករកបាន១គ្រាប់។ ជ័យជម្នះ៣ពិន្ទុនេះ ធ្វើឱ្យពួកគេបន្ដឈរនៅកំពូលតារាងបានទៀត ដោយមានពិន្ទុស្មើជាមួយក្រុម Real Madrid ប៉ុន្តែមានគ្រាប់បាល់ចំណេញច្រើនជាង។
Setien អ្នកចាត់ការថ្មីរបស់ក្រុម Barcelona បាននិយាយក្រោយចប់ការប្រកួតថា៖ “ខ្ញុំមើលឃើញពួកយើងលេងល្អ ហើយបានបង្កើតឱកាសជាច្រើន។ យើងកំពុងដើរលើផ្លូវត្រូវមួយសម្រាប់ការប្រកួតនេះ ហើយយើងនឹងពង្រឹងបន្ថែមទៀត ដើម្បីឱ្យកាន់តែល្អសម្រាប់ការប្រកួតបន្ដបន្ទាប់ទៀត”៕ប្រភព៖ Dailymail