Hakim Ziyech កីឡាករដ៏សំខាន់ម្នាក់របស់ក្លឹប Ajax បានទម្លាយថាលោក Monchi ដែលសព្វថ្ងៃជានាយកជាន់ខ្ពស់របស់ក្លឹប Sevilla ធ្លាប់ទាក់ទងចង់ឲ្យខ្លួនចាកចេញពីលីគហូឡង់ពីរលើករួចមកហើយ។
Ziyech បានសង្កត់ធ្ងន់ថាតាំងពីពេល Monchi នៅជាប្រធានផ្នែកកីឡានៅក្លឹប AS Roma របស់អ៊ីតាលី ពេលនោះព្យាយាមអូសទាញខ្លួនម្តងដែរ តែខ្លួនបដិសេធ រហូតពេលមកធ្វើនៅ Sevilla ក៏ទាក់ទងមកម្តងទៀត តែសាមីខ្លួននៅបន្តបដិសេធ។
រំឭកថា Ziyech ជាខ្សែបម្រើដ៏លេចធ្លោមួយរូបនៅពេលបច្ចុប្បន្ន ដោយនៅលីគ Eredivisie រូបគេរកបាន ៦ គ្រាប់ក្នុងការបង្ហាញខ្លួនសរុប ១៧ ប្រកួត។ ជាក់ស្តែងអនាគតរបស់កីឡាករហូលង់រូបនេះ ត្រូវបានគេមើលឃើញថានឹងមិនគង់វង្សទៀតនោះទេ ពោលទំនងជាត្រូវចាកចេញទៅក្លឹបកំពូលណាមួយក្នុងពេលខាងមុខ៕ ប្រភព៖ BeSoccer