លោក Ole Gunnar Solskjaer បានបញ្ជាក់ថាក្រុមល្អមួយនៅអង់គ្លេស គឺត្រូវរង់ចាំដល់ចប់រដូវកាល លើកពានរង្វាន់លីគសិន ចាំចាត់ទុកថាជាក្រុមល្អ។ក្រុម Manchester United របស់លោក Ole នឹងត្រូវប៉ះជាមួយក្រុម Liverpool ក្នុងទឹកដីរបស់ពួកគេ នៅម៉ោង១១;៣០នាទីយប់នេះហើយ។ ការប្រកួត Red Derby នេះ នឹងកាន់តែជក់ចិត្ត ត្បិតអីក្រុម Man Utd រដូវកាលនេះស្ថិតនៅលេខក្រោមមែន ប៉ុន្តែពួកគេលេងបានល្អណាស់នៅពេលប៉ះក្រុមខ្លាំងៗ។ ខណៈដែលជើងទី១កន្លងទៅ ពួកគេបញ្ចប់ក្នុងលទ្ធផលស្មើគ្នា ១-១ ។
មុនការប្រកួតឈានចូលមកដល់ លោក Ole ដែលជាអ្នកចាត់ការក្រុម Man Utd បាននិយាយថា៖ “ក្រុម Liverpool មានភាគរយខ្ពស់ក្នុងការលើកពាននារដូវកាលនេះ។ ប៉ុន្តែពួកគេមិនទាន់អាចចាត់ទុកថាជាក្រុមល្អនៅពេលនេះទេ ត្រូវរង់ចាំដល់ចប់រដូវកាលសិន។ នៅមានប្រកួតពិបាកៗជាច្រើនទៀត ដែលក្រុមនេះត្រូវប៉ះនៅពេលខាងមុខ”៕
ប្រភព៖ Manchestereveningnews
