ក្រុម Real Madrid បានយកឈ្នះលើក្រុម Sevilla ក្នុងលទ្ធផល ២-១ ដោយខ្សែបម្រើ Casemiro ជាអ្នករកបានទាំង២គ្រាប់ដ៏សំខាន់នេះ ក្នុងការប្រកួត La Liga ។ក្រុម Real Madrid ដែលជាម្ចាស់ផ្ទះបានដាក់សម្ពាធច្រើនលើក្រុមភ្ញៀវ រហូតរកបាន១គ្រាប់ដោយ Casemiro ប៉ុន្តែមិនបានប៉ុន្មានខាង Sevilla ក៏រកបានតាមស្មើវិញ។ ក្នុងនាមជាម្ចាស់ផ្ទះពិតជាមិនធ្វើឱ្យអ្នកគាំទ្រខកបំណងមែន ក្រុមរបស់លោក Zidane អាចរកបានគ្រាប់បាល់១គ្រាប់ថែមទៀត ដែលជាគ្រាប់បាល់ជ័យជម្នះតែម្ដង ដោយកីឡាករប្រេស៊ីលខាងលើដដែល។ ចប់ការប្រកួត អធិរាជស ឈ្នះក្នុងលទ្ធផល ២-១។
ជាមួយការបាន៣ពិន្ទុបន្ថែមនេះ បានធ្វើឱ្យក្រុម Real Madrid មាន៣ពិន្ទុលើសក្រុម Barcelona ដែលត្រូវប្រកួតយប់នេះសិនហើយ។ ប្រសិនបើក្រុមអ្នកមានបុណ្យភ្លាត់ចាញ់ឬស្មើ នោះក្រុម Real Madrid នឹងឈរនៅកំពូលតារាង៕
ប្រភព៖ DailyMail
