FIFA ​កែ​ប្រែ​ច្បាប់​មួយ​ចំនួន ​ចំពោះ​ពាន​រង្វាន់​កីឡាករ​ល្អ​បំផុត​ប្រចាំ​ឆ្នាំ

សហព័ន្ធ​បាល់ទាត់​អន្តរជាតិ FIFA ​បាន​កែប្រែ​ច្បាប់​មួយ​ចំនួន ចំពោះ​ពាន​រង្វាន់​កីឡាករ​ល្អ​ជាង​គេ​ប្រចាំ​ឆ្នាំ The Best Player Of the Year ​ដោយ​បន្ថយ​ចំនួន​បេក្ខភាព​ពី ២៣​នាក់ ​មក​ត្រឹម​១០​នាក់​វិញ។

The Best player award ផ្នែក​បុរស​​នឹង​ត្រូវ​ជ្រើសរើស​ដោយ គ្រូ​និង​ប្រធាន​ក្រុម​ជម្រើស​ជាតិ សារព័ត៌មាន​២០០​នាក់​ អ្នក​គាំទ្រ និង​ផ្សេង​ៗ​ទៀត។ ក្នុង​​នោះ​អតីត​វីរបុរស​ប្រេស៊ីល Ronaldo អតីត​ជម្រើស​អង់គ្លេស​ Frank Lampard និង​លោក Fabio Capello ​ក៏​ជា​បេក្ខភាព​ម្នាក់​ក្នុង​ការ​ជ្រើសរើស​ផង​ដែរ។ ចំពោះ​ផ្នែក​ស្ត្រី​វិញ Mia Hamm, Sun Wen ​និង​ Maia Jackman ​គឺ​ជា​បេក្ខភាព​៣​នាក់ ​ក្នុង​ការ​ជ្រើសរើស​។

ការ​ប្រកាស​ឈ្មោះ​កីឡាករ​ទាំង​១០​នាក់ នឹង​ធ្វើ​ឡើង​នៅ​នៅ​ថ្ងៃ​ទី​២៣​ខែ​កក្កដា​ឆ្នាំ​២០១៨​ខាង​មុខ​នេះ ​ពោល​គឺ​ក្រោយ​ចប់​ព្រឹត្តិការណ៍ World Cup ។ ​ចំពោះ​លទ្ធផល​វិញ ​នឹង​ត្រូវ​ប្រកាស​នៅ​ថ្ងៃ​ទី​២៤​ខែ​កញ្ញា​ឆ្នាំ​២០១៨​នេះ ​នៅ​ទីក្រុង​ឡុង​ប្រទេស​អង់គ្លេស៕ប្រភព៖ MARCA

 

ភ្ជាប់ទំនាក់ទំនងជាមួយ CTS SPORT