AC Milan ចេញ​តម្លៃ Kessei មក​ហើយ ក្រោយ​លឺ​ក្លឹប Arsenal ចង់​បាន

ឆ្លើយតប​នឹង​ចចាមអារ៉ាម​ដែល​ល្ហិចល្ហៀង​ថា Arsenal ចង់​បាន​យុវជន Frank Kessie ចេញ​ពី​ទឹកដី​អ៊ីតាលី ទី​បំផុត​ក្លឹប AC Milan បាន​ដាក់​តម្លៃ​មក​ហើយ ដោយ​កំណត់​ថ្លៃ​ខ្លួន​កីឡាករ​វ័យ ២៣ ឆ្នាំ​រូប​នេះ​ប្រមាណ ២១ លាន​ផោន​ឬ​ ២៥ លាន​អឺរ៉ូ​យ៉ាង​ទាប​បំផុត។

តាម​របាយការណ៍​ពី Sky Sport Italia បាន​ឲ្យ​ដឹង​ថា​កាំភ្លើង​ធំ​ចង់​ចរចា​យក​ខ្សែ​បម្រើ AC រូប​នេះ នា​រដូវ​រងា​ខែ មករា ដើម្បី​ពង្រឹង​ប្រព័ន្ធ​លេង​របស់​ខ្លួន។ ១៦ ប្រកួត​នៅ​លីគ Serie A កីឡាករ​សញ្ជាតិ​កូឌីវ័រ​រក​បាន ១ គ្រាប់​ឲ្យ​ក្រុម​របស់​ខ្លួន។

រំឭក​ថា​ Arsenal កំពុង​ដុនដាប​ខ្លាំង​នៅ​ក្របខ័ណ្ឌ Premier League ដោយ​បច្ចុប្បន្ន​កំពុង​ឈរ​នៅ​លេខ​រៀង​ទី ១០ មាន ២៨ ពិន្ទុ​ប៉ុណ្ណោះ។ នា​ថ្ងៃ​សោរ៍​នេះ​ក្លឹប​ត្រូវ​ជួប Sheff Utd ដែល​ជា​ជំនួប​ជុំ​ទី ២៣៕ ប្រភព៖ Metro

ភ្ជាប់ទំនាក់ទំនងជាមួយ CTS SPORT