• រដូវ​រងា​ខាង​មុខ Klopp ​នឹង​ឱ្យ​កូន​ក្រុម​សម្រាក​១​សប្ដាហ៍ ​មិន​បាច់​មក​ហាត់​ទេ​

    ​ក្រោយ​ពី​ចប់​ការ​ប្រកួត​ជាមួយ​ក្រុម Southampton ​នៅ​ថ្ងៃ​ទី​១​ខែ​កុម្ភៈ​ខាង​មុខ​នេះ ​ក្រុម Liverpool ​នឹង​ត្រូវ​មាន​ពេល​សម្រាក​រដូវ​រងា​២​សប្ដាហ៍​ឯ​ណោះ។

    ជា​ធម្មតា​ការ​សម្រាក​រដូវ​រងា​នេះ ​ក្រុម​នៅ​លីគ​អង់គ្លេស​ភាគ​ច្រើន​បាន​នាំ​កូន​ក្រុម​ទៅ​បោះ​ជំរំ​ហ្វឹកហាត់​នៅ​ក្រៅ​ប្រទេស ​ដែល​មាន​អាកាសធាតុ​ល្អ។ តែ​សម្រាប់​សម្រាប់​ក្រុម Liverpool ​វិញ ​នា​ឆ្នាំ​នេះ​ពួកគេ​បែរ​ជា​មិន​ទៅ​ណា​ឡើយ។ ​លោក Klopp ​បាន​បញ្ជាក់​ថា​លោក​នឹង​ឱ្យ​កីឡាករ​ទាំង​អស់​សម្រាក​១​សប្ដាហ៍​ពេញ​តែ​ម្ដង ​ជា​ការ​តប​ស្នង​នូវ​ការ​ខិតខំ​ប្រឹងប្រែង​របស់​ពួកគេ ជួយ​ក្រុម​ឈរ​កំពូល​តារាង។

    ក្រុម Liverpool ​នឹង​ត្រូវ​តតាំង​ជាមួយ​ក្រុម Manchester United ​នៅ​យប់​ម៉ោង​១១:៣០​នាទី​ថ្ងៃ​អាទិត្យ​ចុង​សប្ដាហ៍​នេះ ដែល​ជា​ការ​ប្រកួត​មួយ​ស្វិតស្វាញ​បំផុត។ ​កាល​ពី​ជើង​ទី​១កន្លង​ទៅ ពួកគេ​លេង​ស្មើ​គ្នា ១-១ ​ប៉ុណ្ណោះ៕ប្រភព៖ Dailymail


    ភ្ជាប់ទំនាក់ទំនងជាមួយ CTS SPORT