ក្រុម U23 វៀតណាម បានធ្លាក់ចេញពីពានរង្វាន់ AFC U23 Championship ហើយ ក្រោយពីបរាជ័យក្រោមថ្វីជើងកូរ៉េខាងជើងក្នុងលទ្ធផល ២-១ កាលពីយប់មិញនេះ។
លោក Park Hang-seo ដែលជាគ្រូបង្វឹកក្រុមជម្រើសជាតិវៀតណាម បាននិយាយក្រោយចប់ការប្រកួតថា៖ “យើងលេង៣ប្រកួត ស្មើ២និងចាញ់១ កាលពី២ឆ្នាំមុន យើងជាក្រុមជើងឯករងនៃព្រឹត្តិការណ៍នេះ។ ដូច្នេះនេះជាលទ្ធផលគួរឱ្យខកចិត្តមួយសម្រាប់ឆ្នាំនេះ។ ខ្ញុំជាអ្នកទទួលខុសត្រូវលើរឿងនេះ កីឡាកររបស់យើងបានព្យាយាមអស់ពីសមត្ថភាពហើយ ប៉ុន្តែពួកគេត្រូវការពង្រឹងបន្ថែមខ្លាំងទៀត”។
គ្រូបង្វឹកសញ្ជាតិកូរ៉េខាងត្បូងនេះ បានបញ្ជាក់បន្ថែមថាបើទោះជាក្រុម U23 បរាជ័យមែន ប៉ុន្តែអ្នកគាំទ្រមិនត្រូវអស់សង្ឃឹមឡើយ។ ក្រុមវៀតណាម នៅមានភារកិច្ចធំ១ទៀតជាមួយក្រុមជម្រើសជាតិវៀតណាម ពោលគឺការលេងនៅពានរង្វាន់វគ្គជម្រុះ World Cup 2022 ។ ក្នុងព្រឹត្តិការណ៍នេះ វៀតណាមជាក្រុមល្អជាងគេហើយរំពឹងថានឹងឡើងជុំបន្ទាប់ថែមទៀតផង៕ប្រភព៖ Vnexpress
