ក្រុមជម្រើសជាតិបាល់អោប ហ្ស៊ីមបាវេ ខឹងចិត្ត ដេកតាមចិញ្ចើមផ្លូវ នាឱកាសទៅលេងវគ្គជម្រុះ World Cup នៅប្រទេសទុយណេស៊ី។
ពួកគេខឹងដោយសារតែម្ចាស់ផ្ទះ បានរៀបចំសណ្ឋាគារមិនល្អឱ្យពួកគេស្នាក់នៅ។ សណ្ឋាគារដែលពួកគេស្នាក់នៅនោះ មានសភាពមិនស្អាត ហើយអាងហែលទឹកក៏មិនល្អទៀត ទើបធ្វើឱ្យក្រុម ហ្ស៊ីមបាវេ មិនពេញចិត្ត ដោយសុខចិត្តទៅលេងនៅចិញ្ចើមផ្លូវតែម្ដង។ ក្រុមម្ចាស់ផ្ទះទុយណេស៊ី បានបញ្ជាក់រឿងមិនពេញចិត្តនេះដែរថា ក្រុមជម្រើសជាតិហ្ស៊ីមបាវេ មិនពេញចិត្តចំពោះសណ្ឋាគារដែលមានបន្ទប់គេងតូច អាងហែលទឹកមិនស្អាត ហើយប្រព័ន្ធ Internet ដើរយឺតទៀត។
ចំពោះការរៀបចំមិនល្អនេះដែរ សហព័ន្ធបាល់អោបអាហ្វ្រិកបានចេញមុខសុំទោស ចំពោះក្រុមហ្ស៊ីមបាវេ។ ខណៈដែលក្រុមការងារកំពុងតែរៀបចំ ដើម្បីឱ្យពួកគេទៅគេងនៅសណ្ឋាគារថ្មីមួយទៀត ដែលមានផាសុកភាពល្អ។ ហ្ស៊ីមបាវេ នឹងត្រូវប្រកួតក្រុមទុយណេស៊ី នៅសប្ដាហ៍នេះ ក្នុងពានរង្វាន់ African Gold Cup ។ ប្រសិនបើក្រុមណាឈ្នះប្រកួតនេះ ពួកគេនឹងមានឈ្មោះទៅលេងពានរង្វាន់បាល់អោបពិភពលោក World Cup ៕ប្រភព៖ DailyMail