សេដ្ឋីមានទ្រព្យច្រើនបំផុតក្នុងតំបន់អាហ្រ្វិកលោក Aliko Dangote ដែលឈរលេខរៀងទី ១៣៦ លើទំព័រ Forbes បាននឹងកំពុងព្យាយាមចង់ដេញថ្លៃទិញយកក្លឹប Arsenal នៅឆ្នាំ ២០២១ ខាងមុខ។
លោកបានប្រាប់សារព័ត៌មាន Bloomberg ថា៖ “Arsenal ជាក្រុមដែលខ្ញុំចង់ទិញយកនៅថ្ងៃណាមួយ ពោលអាចជាឆ្នាំ ២០២១ ដោយយើងត្រៀមចាយលុយប្រមាណ ២០ ពាន់លានដុល្លារអាមេរិក”។
លោកបន្ត៖ “ខ្ញុំនឹងមិនទិញ Arsenal នៅពេលនេះទេ ប៉ុន្តែនឹងទិញនៅពេលគម្រោងការរបស់ខ្ញុំទទួឡបានជោគជ័យ ព្រោះខ្ញុំចង់ឲ្យក្រុមហ៊ុនខ្ញុំឈានដល់កម្រិតមួយផ្សេងទៀត”។
រំឭកថាក្រោយ Wenger ចាកចេញទៅ ការដឹកនាំរបស់គ្រូថ្មីជាបន្តបន្ទាប់ហាក់មិនបានស្រោចស្រង់ឲ្យ Arsenal ទទួលបានជោគជ័យនោះទេ ដោយបច្ចុប្បន្នកំពុងឈរនៅលេខ ១០ ក្នុងក្របខ័ណ្ឌ Premier League៕ ប្រភព៖ BeSoccer