Xavi ប្រាប់​មូលហេតុ​ចាក់ដោត​មួយ​ដែល​មិន​ព្រម​ទៅ​ដឹកនាំ​ក្លឹប Barcelona

Xavi Hernandez បាន​ចេញ​មុខ​ទទួល​ស្គាល់​ថា​ខ្លួន​ពិត​ជា​ទទួល​បាន​សំណើ​ពី​ក្លឹប FC Barcelona ពិត​មែន ប៉ុន្តែ​ខ្លួន​បាន​បដិសេធ​ព្រោះ​ដោយ​គិត​ថា​វា​ហាក់​ដូច​ជា​លឿន​ពេក​សម្រាប់​ខ្លួន។

ថ្លែង​នៅ​សន្និសីទ​សារព័ត៌មាន​មុន​ឈាន​ដល់​ព្រឹត្តិការណ៍ Qatar Cup អតីត​កីឡាករ​របស់​អ្នក​មាន​បុណ្យ​និយាយ​ថា៖ “ពិត​ណាស់​ខ្ញុំ​ទទួល​បាន​សំណើ​ពី​ក្លឹប Barcelona ពេល​នៅ​ទីក្រុង Doha តែ​ខ្ញុំ​មិន​ព្រម ​ព្រោះ​វា​លឿន​ពេក​សម្រាប់​ខ្ញុំ​ក្នុង​ការ​ដឹកនាំ​ Barcelona តែ​យ៉ាងណាមិញ​ការងារ​នោះ​នៅ​តែ​ស្ថិត​ក្នុង​ក្តី​ស្រមៃ​របស់​ខ្ញុំ​ដដែល”។

លោក​បន្ថែម​ថា​ជុំវិញ​រឿង​ដែល​លោក​បាន​បដិសេធ​គឺ​គ្រួសារ​បាន​ដឹង​មុន​គេ ​បន្ទាប់​មក​បណ្តា​កីឡាករ​ដែល​តាមដាន​រឿង​នោះ ហើយ​បច្ចុប្បន្ន​អារម្មណ៍​លោក​លែង​តប់ប្រមល់​និង​ចាប់​ផ្តើម​ផ្តោត​លើ​ការ​ដឹកនាំ Al Sadd ​បន្ត​ទៀត​ហើយ៕ ប្រភព៖ BeSoccer

ភ្ជាប់ទំនាក់ទំនងជាមួយ CTS SPORT