តាមរបាយការណ៍ពី El Chiringuito បានចុះផ្សាយថាក្លឹបយក្ស Paris Saint-Germain បច្ចុប្បន្នប្រឈមនឹងបាត់បង់កីឡាករ Edinson Cavani ព្រោះសាមីខ្លួនបានប្រាប់ទៅអ្នកចាត់ការលោក Thomas Tuchel ពីគោលបំណងនៃការចាកចេញរបស់ខ្លួនហើយ។
ប្រភពបានបន្តថាមេធំ Atletico Madrid បានហោះមកដល់ទីក្រុងប៉ារីសដើម្បីជជែករឿងនេះ ជាមួយនឹងមេធំក្លឹប PSG។ ទន្ទឹមនោះ Cavani ក៏បានខកខានក្នុងការប្រកួតនៅជំនួបប៉ះ Monaco ផងដែរ។
បញ្ជាក់ថា Cavani មានវ័យ ៣២ ឆ្នាំហើយ ដោយរដូវកាលនេះមិនសូវបានបង្ហាញខ្លួនពេញជើងនោះទេ ហើយទើបរកបាន ៥ គ្រាប់និង Assist ១ លើកគត់នៅ ១៤ ប្រកួតសរុប៕ ប្រភព៖ AF